有冇人試過未搵到嘢做但係扮返工？
之前有位朋友打嚟約我食lunch，其實都覺得奇怪㗎喇，明明記得佢返九龍區，咁遠水路過海搵我食飯？
「我上星期last day，本來搵咗份新工，但係好快就覺得唔適合所以辭職，而家唔敢同屋企人講。」
我：「吓！咁你呢幾日點過？」
「周圍搵朋友lunch囉，但係太早返屋企佢哋都會懷疑，不如今晚都一齊食飯啦！」
我：「你唔好過海啦！一次過今晚等我放工先食，多啲時間傾計唔使咁趕。」
如是者，我哋夜晚就一齊食飯，佢似乎完全冇同屋企人講嘅意圖，問心又唔覺得意外嘅，因為佢阿爸阿媽比較舊式思想，莫講話搵工轉工待業呢啲咁「重大」嘅事，就連個仔拎大假去旅行都會覺得唔好，驚老細唔鍾意喎，怕返嚟之後畀人炒。
如果你聽完覺得好誇張，咁我要恭喜你先，證明你從未試過呢種經歷，不過我就好明白，因為我屋企人都係咁，彼此經歷好相似，正正解釋咗呢位朋友點解選擇搵我傾訴，都唔敢同阿爸阿媽坦白。其他人聽完佢講應該會瘋狂質問：「點解要咁？」、「照直同家人講咪得囉，使乜扮返工！」、「咁你上一份工就唔應該辭職啦！」
有時朋友唔開心或者好煩惱，最需要嘅唔係我哋質疑，而係想有個聆聽者扮演樹窿嘅角色，細心聽佢傾訴。
全晚我聽多過講，最大貢獻就係埋咗張單，佢當時除咗有啲唔好意思，我嘗試去安慰佢：「得啦！二人同行有6折，爭咩吖，你好快搵到嘢做，下餐你請。」
我咁有信心，係因為佢根本知道應該點做，答案一早在心中，做朋友亦應該在心中，最後佢問咗我一啲關於見工技巧嘅問題，過兩日已經聽見佢有新offer。
遇到諗唔通嘅事，多啲搵朋友傾訴，唔好自己屈喺心，某啲時候我哋嘅角色係聆聽者，某啲時候亦會變成吐苦水嗰個，有邊個唔想得到身邊人支持？有後盾去back up，係勇往直前嘅最大力量。美國運通白金信用卡亦都以實際行動去支持大家，喺全港美心集團旗下美心中菜指定食府惠顧自選晚膳餐目，二至三人星期一至四有6折，其他日子或四至十二人都有75折，希望你都可以善用優惠，多啲約朋友出嚟傾計。
文：辦公室日報x聶瞳
