作為子女，何事會令父母有自豪的感覺？
可能這件事…只是一件小小的小事。
「嗱嗱…嗱！呢餐我嘅！」
「喂喂喂！上餐你咪咁講囉！唔得唔得！」
「吖！你上次偷偷哋扮去廁所，自己畀咗錢！我都未同你計呀！」
小時候讀過一篇文章叫《請客》，就是說「請客」這回事暗藏人性黑暗面，內心存在一種「小往大來」的政策。
當時覺得見解獨到，但望著這班親戚又有點看不透。
因為無論四姨丈、三姑姐、五舅父同堂阿哥，
這堆人之中…其實沒有甚麼可以「大來」。
親戚聚頭，就是飲茶，或是酒樓晚飯。而每次，都必然「爭畀錢」，他們沒甚麼計算，就只是迷上「付出」。
銀包如刀鞘，信用卡如刀刃，你想用左手拔出信用卡，我就用一記右手擒拿！我被你雙臂牽制，就雙腳橫移，接近侍應，來個順水推「卡」。
總之你一招時我也回一招，酒樓之內擺時鬼影從從，侍應小姐也難辨「張單」最後情歸何處。
那時的我與二表弟、五堂妹、七叔仔，也只是作壁上觀，飲住「普洱」等睇戲。
到我中學時，同樣是一個觀眾；
到我大學時，亦都是一個觀眾；
到我Fresh Grad開始工作時，
繼續是一個觀眾。
不過…有些事變了。
四姨丈的擒拿手因為關節炎而變慢了；
五舅父由雙腳橫移，變成三腳橫移，因為多了拐杖。
而我父親，依然拿出銀包，想寶刀出鞘。
不過…刀…薄了。
因為他始終將近退休，養育了我廿數載，一直在背後支援。
所以現金，也不會太多了。
這時我與二表弟、五堂妹、七叔仔，也開始意識到。
「是時候換人了。」
為甚麼親戚間不AA制？我想這是長輩的情懷吧。
眼前這班老臉孔，廿年來都一起聚頭，算是飽經歷練。
任何事，的確是大家幫大家。
而在我進入社會的第3年，身上也多了張信用卡。
終於，在這個「請客」舞台中，我上戰場了。
「姨丈、姑姐！你哋唔好爭啦！呢餐，不如畀我試下畀啦！我做咗咁耐嘢，有啲錢㗎啦！」
剎那間，親戚們都展露了微笑。
就是「真係睇住你大個仔啦…」的感覺。
而笑得最開心的，是我身邊的老爸。
很奇怪，他有點洋洋得意，甚至笑得沙塵白霍。
姑姐：「你個仔！真係生性啦！」
姨丈：「畀你望到啦，個仔咁乖…以後等享福啦。」
其實只是一件小事，但長輩就是這樣簡單，少少事都開心。
父母同樣。
他們笑瞇瞇，直至回到家中。
我不禁問他：「使唔使咁開心呀，請餐飯啫。」
爸爸：「你識咩呀！老竇有Face呀嘛！」
也許，父母的要求真的很簡單，你第一次爭請客，就是成長的證明，
同樣是一種「接捧」儀式，一種父母心中的功勳。
最後，老爸從喜悅中清醒來過後。
卻偷偷問我一句：
「喂…但係…餐飯…甘唔甘呀？國金軒喎…好似好貴。」
面對這個問題，我唯有拿出自己的美國運通白金信用卡：
「我張卡，好多地方食晚飯都有折㗎。放心啦，我都有嘢Support住我嘅。」
爸爸聽到後，說了一句「叻仔」。
自然，他又笑了。
文：張晨(“鳥”不起)
