都是人之常情。We all love eye candies! 但點解男人咸濕天經地義，女人咸濕就要收收埋埋？專欄作家D蝦說：「咸濕，是坦白的講出性需要。」明白了，就如呼吸喝水般自然。一起來看看她怎樣說。
咸濕是…？
男人睇AV、J圖、黑絲、大波妹，你會話佢咸濕。因為佢對性需要來得直接，毫無掩飾，如同係你面前打飛機。咸濕，是坦白的講出性需要。
女人咸濕VS男人咸濕
男人直接而合理化，女人含蓄而妖魔化。男人AV興左幾廿年，女優都可以變女神，偏偏女人AV只係興左幾年，要揾個靚仔少少既男優不如煲返韓劇。風氣成就文化，女人咸濕得好悽涼。
咸濕是女人天性？
咸濕誘發起性需要當然是天性，你有我有，但煲大個性慾做大食妹就是後天培養。大胃王鯨呑都要經過專人長時間訓練啦！
咸濕女人有樣睇？
咸濕女人一般較難發現。女人比男人壓抑，無信和買咸書咸碟的傳統習慣，亦無日光日白幫襯一樓一鳳的光明正大和方便快上。女人咸濕，不是故意掩飾，是被迫收收埋埋，你點會發現到呀？
咸濕是愛情禁忌？
百貨應百客，有供有求。視乎對方是否能令你欲罷不能、性愛豐足，床上床下同樣enjoy。但若然對方令你慾求不滿、諸多投訴，就得取捨。你要有性無愛？定有愛無性？
咸濕的女人更有情趣？
咸濕的女人相對主動，唔做死魚，閒時姊妹聚埋研究性技 (如何令自己更舒服為前題)，一技旁身之餘仲會準備性感戰衣和歡樂玩具，最重要的是，佢地會主動發動性戰。自問受得起的男人，你們便有福了。
關於咸濕，你最想對女人說的是…?
揾一晚夜闌人靜，鎖好房門，插上耳機，Google 一下女性AV (專門給女性觀眾的AV網站)，揀一部最岩心水、男優最順眼的AV。睇完，你便明白咸濕就是如此簡單同直接。
文：D蝦
專欄作家，全職品牌公關。作品見於Elle及新Monday，唯文字粗鄙，俗不可耐。無視世間的固定法則和所謂主流，時間觀錯誤將1分鐘當77秒用，生活得更隨心所欲。
立即 Follow「好集慣」 Facebook 每天發掘更多好習慣!
