差利卓別靈說，沒有大笑過的一天，就是浪費了呢一天。所以，差利都好長命，死時88歲。笑這回事，唔係同你講笑，早有不少醫學報告證明笑在生理和心理上有不少好處，但關於笑，還有不少怪奇的研究，千方百計告訴你笑對你的重要性，到最後，無非係叫你笑啫。
怪奇物語1：未學講嘢先學笑
問一問你阿媽，你是先識得講嘢還是識笑先？（如果是前者，或者你是一個被研究對象）。科學家發現一個正常BB大約在17日已經懂得笑，只要看見/聽見母親便感到高興然後笑，除非你唔正常。
怪奇物語2：男笑女叫
又有科學家特登走去研究男人和女人笑聲的分別，發現男性笑聲頻率約為430Hz，比較低沉；女性的笑聲卻高達2083Hz，比較尖銳，甚至能震碎玻璃。另外，可能男人愛扮 cool， 女人比男人更能笑且笑得更多。做乜啫，你覺得唔笑真係 cool 啲？我覺得笑仲 charm 啦。
又係姜濤出場的時候。
怪奇物語3：笑控制腦袋，腦袋不能控制笑
唔知你有冇試過笑到控制唔到，甚至唞唔到氣？如果冇，只能講句 sorry，你的人生太痛苦了；科學家發現當一個人觸動了腦袋笑的神經系統（premotor cortical region），之後便不能再控制面部肌肉，即是說你不能阻止一個人笑口噬噬。
怪奇物語4：笑是最好的護膚品
笑得多人都靚啲，這不是跟你說廢話，而是從一個人的儀容出發。當一個人說話，平均會用上臉部12條肌肉，但當你一邊說話一邊笑，便會用上84條肌肉，這樣的皮膚伸縮運動可大大減少皺紋。總之，若你老是苦瓜乾，用幾多護膚品都無用。
怪奇物語5：__ __不如
最後，一個最毒辣的研究，原來動物都識笑，大猩猩、馬騮、豬、狗和老鼠都識得笑，他們嘗試研究動物在喜悅時腦部特定的頻率而得出結論。雖然，我不知科學家會作出這樣的研究，只知道若你唔識笑，真係⋯⋯只能說⋯⋯見字坐直
撰文：Coco
網上圖片
