你今年飛咗未？可能是近來最熱門的話題。當我們投訴機票好貴、一位難求，或是討論坐邊間航空公司最好時，便會有行內的secret group作反擊。今次是空姐大控訴，旅遊復常，機位不足，她們也是受害者，有苦自己知，順帶說出些飛機乘客令人最討厭的行為。你可有犯上？無錯，「顧客永遠是對的」、「今時今日咁嘅服務態度係唔夠㗎」，但反過來說，有時「畀錢唔係大哂囉」，貴乎合理和尊重。
以下是機艙服務員「鄭重」指出飛機上最令人討厭的行為，你若有犯上，千祈唔好只懂得怪人，自己亦要檢討一下。最常見的「椅背挨後」、「要求調位」、「時常按鐘」唔講，講一些你意想不到的！
怪獸乘客1：在空姐位拉筋
搭長途機會腿腫，身體痛腰骨也痠痛，適當伸展是好，但有一些人會走到空姐工作或休息的位置拉筋、做柔軟體操，甚至見過有做瑜伽！「睇見都反眼。」（by空姐C）
怪獸乘客2：亂過亂葬崗
那肯定是個人衛生和教養問題。不少人在座位位置大吃大喝，零食啦、杯麵啦、魷魚絲啦，本來也無可厚非，但真係唔好咁無手尾，整到污糟邋遢，「試過看見有人將毛氈和杯麵包在一起。」（by空姐S）
怪獸乘客3：指手劃腳或毛手毛腳
雖說人家是機艙服務員，但請不要覺得自己大哂，三不五時舉起隻手呼呼喝喝（有呼叫鐘㗎），一些也藉機毛手毛腳，猥猥瑣瑣，鹹鹹濕濕令人反胃。（by空姐B）
打大佬：超臭香港腳
同樣地，有點無奈。坐飛機想除鞋、舒服一點可以理解，但真的要知道自己有沒有腳臭，或至少穿一對新襪減低對別人的影響。「最麻煩要處理別人投訴，我可以點？」（by空姐K）
最後，其實還有很多騎呢行為（如唧暗瘡、嘔心廁所等等），千奇百怪，不能盡錄；都是那句話：對人對己，貴乎尊重。
撰文：郭昊軒
圖片來源：Mr Bean
Tags :
壞習慣
