當我睇到有本書話：讀「無用」嘅書都係有用嘅，啱哂心意。作者幽默，出一本書叫你讀「無用」的書，好鬼鬼馬，但話說回來，作者其實係引用鄧寧—克魯格 （Dunning-Kruger Effect）效應（聽見都巴閉！）。核心思想係：你經常不知道自己該知道些什麼，不知道自身的不足之處。
真嘅，有啲人只讀自己「讀得明」嘅書，咁樣好容易只停留在自己認同的層面⋯⋯我諗你明嘅。
做人別太功利好不好
講得白啲，作者其實係笑緊一班人！就係嗰啲只讀雞精書心靈雞湯書如何提升自己的吸引力嗰啲書⋯⋯其實呢班人早有一個前設，讀書係為了讓書本幫自己解決實際問題，佢哋知道自己有問題，但從！不！知！道！自己仲有其他很多很多問題！或者，他們真的誤解了書的作用，其實書只係一道窗子，讓讀者看見作者的思想和眼界，書只能提供幫助，最後能不能解決問題係⋯⋯你自己。如果完全功利地去睇書，就會落入「讀書功利化」的陷阱。
舉個例子，如果你讀村上春樹《關於跑步，我說的其實是》去學跑步，咁就真的誤解了村上了。村上寫書並唔係教你跑步，甚至都唔係同你講哲學，他在寫自己從跑步學懂的知識和道理，完全就係一種自我修練！換句話講，讀書最勁在乜？係我哋可以用最「便宜」的方式學習別人的思想，需知道，我地用幾個鐘或幾日讀完一本書，但其實係作者幾十年嘅智慧！你以為無用？其實只係你唔知道自己的不足之處，或是如鄧寧—克魯格效應所說：你只停留在自己認同的那個層面。
keep reading to keep learning
所以當你讀到一本書覺得硬係睇極唔明，或者覺得「無用」，其實可能係書裡面講嘅嘢你從來未諗過啫，所以先完全唔明白在說什麼；這樣，你更應該去認真看待。都係個句：讀書不要太功利，不妨抱着一種keep reading to keep learning 的態度，即是說讀書嘅意義在於令視野更開闊，而唔係僅僅局限在自己所認識的人和事。
最後，關於閱讀，且讓我扮一扮村上春樹，我想說的是：不用太功利，也不用太痛苦。能讀就讀下去，能吸收就吸收，覺得有趣就讀多啲，如果讀不懂便不讀囉，只係千祈唔好封閉自己唔去閱讀。Ok，呢本叫我唔好咁功利的書，正是台灣著名「樊登讀書」創始人樊登所寫的《讀懂一本書》。
撰文：恆
網上圖片
