覺得生活無新意？無樂趣？日日都係咁過，愈嚟愈悶？尤其呢排日日匿埋喺屋企上網打機睇Netflix，實在腌悶。易覺得悶，原來都可能因為我們平時受太多刺激，有太多娛樂，久而久之，對咩都已經無咗敏感度，俾乜你玩都唔覺得有趣。想搵返生活最單純嘅快樂？不如學吓而家最新潮流：多巴胺齋戒！乜野嚟？首先，你要知道咩係多巴胺。
一個字：禁。
多巴胺其實是一種腦內分泌物，一種會令你引起慾望同令你開心的大腦神經遞質，簡單如lunch食到你好想食嘅漢堡包，甚至係見到心儀女仔，你好想去追佢，就單憑呢股想追佢嘅慾望或者單單思念佢呢個過程，大腦都會分泌多巴胺，令我們覺得興奮同快樂。很多成癮行為，諸如飲酒食煙吸毒賭博都同多巴胺有關，因這些慾望而上癮，其實係因這些慾望能夠令我們產生多巴胺，令我們覺得好high。
不過，亦正正係因為你不能自拔地上癮，都市人就常出現一種過度興奮又或者調轉係麻煩的可能。點樣能夠激活返我們對一切嘅好奇同熱情？就係齋戒一段日子，然後再重新接觸。就好似，點樣你會再愛女友多啲？小別勝新婚的道理。一個字：禁。禁絕所有可以刺激你有多巴胺的東西，而這基本上係包括所有嘢！沒錯，係所有。諸如上網，同人傾偈，食嘢，飲酒，或者whatsapp都唔得。
不如再簡單啲講，係有啲似襌修。不過你可以喺自己屋企做。
人生若只如初見
多巴胺齋戒其實係美國矽谷先興起。話說心理學家在那裡用呢個方法醫到唔少人，都係用呢種完全戒掉/阻隔/與世隔絕，去幫啲人撇甩唔好的癮。那是因為，喺矽谷，很多高級管理員或者資本家都經歷健康問題，因為工作壓力太大，令佢地有不少成癮行為，於是專家就用這齋戒方法，要他們先放棄一切社交媒體活動，用短期與世隔絕的方式，搵返生活的平衡。他們發現，果然在情緒上或者專注力上都有改善噃！
真係一啲都唔易的。話哂係管理人員，點可能完全唔社交？唔用whatsapp？不過，有人試過的確話呢個方法幾好，佢唔聽歌，唔用電子產品，唔同人講嘢，唔食嘢，甚至，連光都盡量唔見咁多……然後，佢話，值！ “When you start to re-engage all those different stimuli, they’re more engaging than they originally were.”一位24歲的經驗者Sinka分享說的，當你重新再接觸那些外來刺激，wow，原來係可以重新搵返更勁的感覺，簡直係，人生若只如初見！
之不過，呢種reboot大腦嘅做法都唔係人人覺得合適，亦有劍橋大學唐寧學院心理學高級講師和神經科學研究員話，咁樣做係唔係同多巴胺有關？唔知，但一個人時不時觀察吓自己嘅行為同習慣始終都係好事，而同電子產品講再見一段時間，給自己時間休息和放鬆吓，都一定係好的。那些入camp襌修，都係一樣道理之嘛。
試唔試，你自己決定。
撰文：恆
網上圖片
