阿媽這種生物，令人又愛又恨！愛她對自己好，恨她對自己太好，輕則囉囉囌囌，重則奇招百出。更可惡的是，對於她莫名奇妙的行為，又不能開口指責割席離場，只能暗暗咬牙切齒訴諸網上。
今次好集慣就做了一個非公開的調查，綜合各位受害者，不，受訪者意見，列出以下香港地阿媽（壞）習慣！
1. 塞爆萬能雪櫃
正所謂「用得唔好嘥」，香港媽媽們最「知慳識儉」的地方是甚麼？就是將剩餘物資放入雪櫃啦！無論能吃與否，都照做同一個動作—「放入雪櫃」。
根據調查，一眾媽媽們曾經放入雪櫃的有：西瓜皮 (據說用來敷臉)、食剩的兩塊梳打餅、沒有封口的可藥一罐、無限量小包裝的WASABI、豉油和眼藥水等等。然後，媽媽們最後都會講句：「唔駛驚，擺喺雪櫃，雪凍就冇嘢。
2.亂煮騎呢菜色
某部分媽媽煮得一手好菜色，而某部分媽媽就會希望自己煮得一手好菜色，她們會勇於嘗試、不怕艱難，更逼迫子女吃下她的傑作！
包括：魚蛋紫薯豆漿湯、紫椰菜雞翼粥、清蒸玉子豆腐配蒸豆腐、午餐肉煲蕃茄、紅米通心粉叉燒飯、榴槤核煲湯等等。咦⋯⋯粒榴槤核係咪你前一晚食完嗰個榴槤⋯⋯
3.錫隻狗多過人
照顧寵物就要一生一世，絕對不要棄養。香港媽媽絕對最負責任！在受訪者入面，大約有四成人屋企是有養貓、狗。而當中這班人的媽媽據說就是買狗零食、罐罐過多買菜，最誇張甚至會為狗狗舉辦生日會，但就會忘記自己仔女的生日。無論人或狗狗，都是媽媽的寶貝仔，不用分得那麼細啦！對不對？
4.「早啲瞓！」
在香港，媽媽們的金句多不聲數。但要數到最利害的金句，榜首當然係「早啲瞓」。無論當刻幾點都好，媽媽們都喜歡講：「早啲瞓啦！仲唔瞓？」但事實係，媽咪，我剛剛食完飯咋喎⋯⋯
5.「佢奸㗎！」
繼「早啲瞓」之後，根據調查，媽媽界第二金句應該就係「佢奸㗎！」。電視劇風行媽媽界，無論港劇、韓劇定內地劇，永遠都是媽媽們茶餘飯後最佳話題。母親比我們睇得更投入，比我們更討厭奸角。而播到中段，媽媽們就會咬牙切齒地講：「阿仔/阿女，佢奸㗎！」
6. 家用存款機
作為香港打工仔，大家每個月最開心就是月頭。因為銀包肝硬化消失之餘，月頭的吃喝玩樂之旅正式開始！但是大家不用太興奮，因為屋企部存款機，即是你阿媽，開始提醒你又係時候交家用啦！準時過銀行叫你交卡數呀！
7. 最愛煲涼茶湯水
同外國媽媽們比較，香港母親有甚麼地方可以話無懈可擊？就是煲涼茶同湯水的資歷。我們生暗瘡煲涼茶，唔生暗瘡都要煲涼茶；你病因為你熱氣，又要煲涼茶！
還有還有，傳不完的長輩圖、農場文；在公共交通工具裡播大喇叭看短片；「我係阿媽所以我可以鬧你」的有恃無恐等等。訴苦夠了，我們每天還是會回家、星期天還是乖乖的出現在茶樓裡、母親節更會呈上貢物。因為阿媽煩我們罵我們，做出各種奇怪行徑 ，都是因為愛我們呀～
